Malaysia ram ih hnaṭuan Kawlram mi pakhat in a nupi cu Malaysia ram ah feh dingin a ko. Malaysia ram ah tong aw dingin saduh an thah, asinan an tongawk hlanah thihnak in thla a zar.
Kum 33 mi Ko Ta Yauk cu Malaysia ram, Kajang peng Semenyih khua ah hnaṭuan in aum. Thisen sang in a damlo thutthi ih siizung ah an tlanpi, siizung ih an tuamhlawm rero laiah a thi.
A nupi cu Malaysia ram feh dingin ziangkim an tawlrel thluh zo, visit visa thawn a fehsuah ding ni lawng an hngak laiah arak thihsan.
A ruak cu August 17, 2022 sun nazi 1:00 ah a nupi ih sungkhat, rualpi pawl thawn Malaysia, Jalan Kuali thlanmual ah an phum. Kawlram ih aumnak cu Mandalay ramkulh, Pyawbwe peng, Min Lan Taung khua a si.
Leave a Reply