Malaysia, Temerloh khua ih um Chinmi pakhat cu June 2022 ah tiva ah an lek ih cansualnak a tong, tiva ah a pil that. Kum 31 mi Ko Ling Om cu Chin State, Kanpetlet, Myoma No.(2) vengsung ih um a si.
Malaysia ram ah hnaṭuan in aum. Malaysia ram a thlennak cu thla 3 hrawng lawng a si lai. A ruak cu Temerloh siizung ah zohdiknak an nei ih tuisun June 10, 2022 sun nazi 1:00 ah an vuiliam.
Thudang: Hpakan Tili Ah Motor A Tla, Motor Sungih Um Innsang Member (3) An Thi Thluh
Kachin State, Hpakan, Aye Mya Thar Yar vengsung ih um tili thuk zet ah pajero motor a tla. Motor sungah innsang member (3) an to. Tuizing June 9, 2022 zinglam nazi 9:00 hrawngah himi tili kiang lamzin ah an tlan ih cansualnak an tong ih tili ah an tla.
Tualsung mi pakhat in, ” Aye Mya Thar Yar vengsung ih um tili ah pajero motor a tla. Motor sungah innsang member (3) an to ih pakhat cu nauhak te a si. An zaten an thi thluh, tutiang an lang thei hrih lo. Motor hi dirsuak dingin an zuam rero lai” a ti. Mithi pawl cu tili sungah an um lai. Tulai Hpakan ramsung ah thlisia le ruah a sur nasa tuk ruangah harsatnak tong an um hnuaihni zo.
Leave a Reply