Malaysia Ram Ah Kawlram Mi Pakhat A Thataw

Malaysia, Sungai Buloh ih um Kawlram mi pakhat cu thinhar beidonnak aneih ruangah amah le mah a thatawk thu theih a si. A hmin cu Ko Nay Kyar Win a si ih mino te kum 30 mi a si.

Malaysia ramah hnaṭuan in aum ih August 28 sun ah an room sungah amah le mah a thataw. Ziangvek thinharnak anei ih a thataw ti cu theih a si lo, Kawlram ih an umnak cu Nay Pyi Taw, Tat Kone ramsung Khayan Sap Kone khuami a si.

A ruak cu siizung ah an zohdik ih September 9 zinglam nazi 11 ah Malaysia, Jalan Kuali thlanmual ah an vuiliam ding. Covid-19 ruangah Malaysia ramsung ih um pawl cu an harsa zet, cutik laiah palik pawlin ramdang mi cu kai dingin an rak hawl rero.

Kawlram lam tlung tum khal sehla tilen ramsung a buai lai thawn thinhar mangbang ih um an tam zet. September 5 khalah Malaysia, Klang ih um Chin tlangval kum 31 mi Tuang Khan Khup in mual in liamsan. Amah hi Tedim peng, Haupi khaumi a si, Malaysia ram ah hnaṭuan in aum ih September 5 zinglam ah an room sungah thicia in an hmu.

Be the first to comment

Leave a Reply

Your email address will not be published.


*