Malaysia Ram Ah Kawlram Mi Pakhat Bawm A Ṭul Tuk !!!

Malaysia, Sungai Buloh bualrawn kiangah Kawlram mi pakhat an hmu ih hitin a vahvaihnak san cu ‘hnaṭuan ding ka neih lo ruangah a si’ a ti.

Malaysia ih um Kawlram mi pakhat in, “Na zuk ka tar ruangah sorry aw. Sungai Buloh bualrawn kiangah kan hmu ih kan hruai. ‘Hnaṭuan ding ka neih lo ruangah a ti, passport cu a nei nan Visa a nei lo. A hmin kan sut ih a thei lo, phone khal a keng lo.

Hnipuan khal a keng lo, a passport hi kan zohdik ih Thailand ram feh theinak passport arak si. Zan khalah a it lo ih a vak rero, rawl khal a ei lo. Cetzung ah hnaṭuan dingin kan thunlut ih a hnaṭuan cu a sinpi thei lo ruangah boss pa in a duh lo ih hnaṭuannak ihsin a dawisuak.

Ni 2 sung cu a vaktawi, lamzin kap ah a riak ih rawl khal a ei lo. Ni 2 hnuah kan hnenah ara kirsal. Myanmar ram ih a nulepai hmin, an umnak khua khal ka thei lo’ a ti. Khuitawk ah kan hruai ding ti khal kan thei lo. Amah theitu nan um asilen in pehtlaih hram uh, a hmin cu zuk sungah aum” tin an tarlang.

A passport sungih a hmin nganmi cu Win Naing Htwe a si, a suahkum cu January 29, 1997 a si ih a suahnak khua cu Pantanaw tin a nganaw.

Be the first to comment

Leave a Reply

Your email address will not be published.


*