Malaysia Ram Ah Kawlram Mi Pakhat Cu Motor In A Pah That, A Ruak Hlamtu An Um Lo

June 13, 2022 sun ah Malaysia ram ih hnaṭuan Kawlram mi pakhat cu motor in a pah ih a hmun ah a thi cih. Kiangkap ih um pawlin a ruak cu Johor Bahru siizungpi ah an phur ih siibawi pawlin zohdiknak an neih hnuah mithi retnak room sungah an ret.

A ruak hlamtu zohman an um lo, tualsung mipi pawlin a sung le khat pahtlaih ding an thei lo. Malaysia palik pawlin khuitawk hmun ah hna a ṭuan, Malaysia ah unau anei maw ti pawl an zingzoi rero lai.

Malaysia ramsung ih um Kawlram ṭhenkhat an bia ih a sung le khat pawl an hawlter. A possport sungih a hmin nganmi cu Nyo Thein a si.

A suahkum cu August 10, 1999. Kawlram ih aumnak cu Yangon a si. A theitu nan um asilen in pehtlaih lohli hram uh’ tin phone number thawn an tarlang.

Thudang: Muse Ih Hnaṭuan Pakhat Cu Inn Par Ihsin A Tla That
Shan State, Muse ih hnaṭuan pacang pakhat cu vanduai thlak zetin June 11, 2022 zinglam nazi 11:00 hrawngah a hnaṭuannak inn par ihsin a tla that. An hnaṭuannak an pu cu ralbawi a si. Mithi cu kum 34 mi Ko Aik Lu a si ih Naungin khuami a si, innsang cawmtu a si ih hringtu a nu pitar khal a kilkhawi.

A nupi Ma Moe Oo in, “Suncaw an ei laiah inn par ihsin a tla that, suncaw ei caan a kim ih a rualpi pawl cu rawl a eiter hmaisa. Cutawk ah inn par ihsin arak tla, a tlak laiah a kiangkap ah zohman an um lo. Suncaw an ei lai, a rualpi pawlin an va hmuh pekte ahcun a lungtur aum lai.

Asinan siizung an thleng hnuah a thih thu an thei. An pu ralbawi in thil ziangkim ṭuanvo ka la thluh ding in ti. Asinan, tuisun ah an pu cu bia ding ka hngak nan a damlo in tiih ka bia ngah lo. Tutiang an pu hi ka bia thei hrih lo, an pu hnenah ziangtin kan tuah ding ti lawng ka sut tum nan ka tong thei hrih lo” a ti.

Be the first to comment

Leave a Reply

Your email address will not be published.


*