Malaysia Ram Ah Kawlram Mi Tam Zet Rak Bum Rero Tu Cu AA Hriamkai Pawlin An Kai

Malaysia ram ah YayKyiYar tin office ong in Kawlram mi rak bum rero tu Agent Aye Kyaw cu AA kuthnuai ih cangvaitu Rakhine National League (ULA) pawlin an kai. Agent Aye Kyaw cu puaisa mibum hmang a si, cun permit lem tuahtu khal a si.

Rakhine ramsung ah AA pawl hi an lal zet zo, an ramsung ih buainak cu anmah in an cinfel ṭheu. August 1 ah AA pawlin Rakhine ramsung ah buainak nan nei asilen ULA hnenah theihternak tuah uh tin official in thu an rak phuang.

Yangon le Malaysia ah office a ong ih Visa thawn mi a kuatsuak ṭheu hnuah sumpai tampi a eiru zo, Malaysia ramsung ih um Kawlram mi a bummi pawl cu 600 in 1000 karlak hrawng an si. 2019 december thla ah Kawlram ah a tlung ih Yangon le Malaysia ih a office cu a khar, zohman in an pehtlaih thei nawn lo ih phone khalin an pehtlaih thei nawn lo.

February 2021 ah U Aye Kyaw le a innsang pawl cu Rakhine ramsung Kyauktaw khua ah an vai ih ULA pawlin an rak kai, a nupi khal Myitkyina ah a tlungsal ih lawyer a sang tin tualsung mi pakhat in a rel.

ULA pawlin an kai nan a bum tong pawl hnen ihsin tetti hngetkho zet an neih lo ruangah an suahsal cing ding. Kuala Lumpur ih hnaṭuan, bum rak tong Kawlram nu pakhat in “An kai ih thu an sut rero hnuah tetti kimcang an neih lo ruangah an suahsal ding ti ka thei cu poi ka ti tuk.

AA pawl cu kan zum ko, AA pawlin a thilsual tuahmi vekin an hrem ding ti kan rak zum nan an suahsal ding ti thu kan theih ruangah kan riah a sia zet. A sual tuahmi vekin a tuar ve asilen kan diriam ding” a ti. (Ref: Mizzima)

Be the first to comment

Leave a Reply

Your email address will not be published.


*