Malaysia Ram Ih Hnaṭuan Kawlram Mi Pakhat Cu A Itthat Ih A Thi Lanta

Malaysia ram ih hnaṭuan Kawlram mi lakah itthat ih thi lanta thuthla theih ding a tam zet. Ṭhenkhat cu zialdai ih an itthat ruangah si an zum.

Malaysia ram, Kuala Lumpur peng, Pusat Taman Kepong khua ih hnaṭuan Kawlram mi Ko Kyi Moe cu June 15, 2022 sun ah harhdam zetin hna a ṭuan. Hnaṭuan an ṭheh hnuah an room sungah ava itthat ih a thi lanta.

Ko Kyi Moe hi Mandalay ramṭhen, Htatyar Kone khuami a si. A rualpi pawlin a thi ti an theih veten tualsung mibawmtu pawlkom hnenah an sim thei ih siizung ah zohdiknak an nei, thilṭul mi pawl an buapi thluh hnuah a ruak vui dingin an tawlrel rero lai.