Malaysia Ramah Kawlram Mi Pawl Suam/Roktu An Kai

Malaysia ramsung ah Kawlram mi tam zet an um ih harsatnak phunphun an paltlang. Covid-19 in a nuai ciamco ih culai ah an palik pawlin kai dingin an hawl bet, thinphang zet ih an um laiah misual in an suam ih an rok.

July 14 ah Malaysia rammi kum 19-32 hrawng mi 5 in Kawlram mi umnak inn an rok ih an sumpai pawl an laksak. Misual pawl cu ‘Geng Bobot’ member an si ih Kuala Lumpur, Wholesale Market parih um Myanmar mi pawl cu an suam.

Pistols 2 le namtong an keng ih Myanmar mi ih sumpai le phone pawl an laksak. Inndot hnihnak ah Myanmar mi 5 le Bangladeshi mi 2 an um ih an thilri pawl an laksak hnuah an tlan.

Myanmar mi pawl ih sumpai cu an nga zuar man a si. Bangladeshi mi pakhat ih lu ah an vuak ih hliamhma a tuar ruangah Selay Hospital ah an tuamhlawm.

Malaysia palik pawlin suamhmang pawl cu an hawl vivo ih July 17 zinglam nazi 9:00 hrawngah an kai ngah thluh. An kutsung ah mobile phone 7 le sumpai RM51,362 zat arak um lai. An thubuai cu Malaysia palik pawlin an ngankhum ih July 21 sunah thuáš­hennak felfai an nei ding.

Be the first to comment

Leave a Reply

Your email address will not be published.


*