Malaysia Ramah Myanmar Mi Lakah Thatawknak A Thleng

Malaysia, Kulai ih hnaṭuan Kawlram mi lakah tualthatnak rapthlak zet a thleng. An hnaṭuannak an pu ih pekmi hostel ih umkhawm an si. December 26, 2021 zarhpi zan nazi 9:00pm hrawngah zu an inkhawm hnuah ṭongkam an el’aw ciamco ih an sualaw.

An hnaṭuanpi pakhat Kawlram mi in an supervisor hnenah sualaw an um thu a sim thei, an supervisor in tualsung palik pawl a ko ih a hmun ih an va feh tikah cun kum 25 mi Kawlram mi pakhat cu a hmun ah arak thi zo. To in a thi ih a kiangkap cu thihnai in a khat, a taksa parah nam ih dawtnak hliamhma 4 an hmu.

A awm le a hnakruh ah nam in an dawt, mithi ruak cu Sultanah Aminah Hospital ah an phur ih zohdiknak an nei. Himi tualthatnak a thleng ruangah mizan ah Melaka khua ah veihnih rori oparasi an lut ih zingzoinak an nei.

Tualsung palik pawlin tualthattu ih an rinhlelmi Kawlram mi mipa 5 cu an kai ih kum 20 ihsin kum 43 karlakmi an si. An hmin le an sinak cu an tarlang hrih lo ih January 2, 2022 ah an thubuai cu an relsak ding, an thubuai cu pukmah Section 302 in an fehter ih thiamlo an co asilen thihdaan & damsung thawngthlak an tong thei. (Source: Malay Mail)

Be the first to comment

Leave a Reply

Your email address will not be published.


*