Malaysia Ramih Myanmar Raltlan Pawl Rak Bawm Ṭheutu Cu Taza An Cuai

Malaysia mi Heidy Quah Gaik cu an ramsung ih um raltlan pawl bawm ṭheutu hminthang zet a si. Women of the Future award laksawng khal a ngah zo, cun Malaysia nunau lakah Queen’s Young Leader Award laksawng ngah hmaisabik tu a si.

Kum 27 mi Heidy Quah Gaik cu cozah silo, NGO ihsin raltlan pawl bawm ṭheutu a si. An ram cozah in tuisun July 27 ah ‘diklo zetin online parah cangvai’ timi thubuai hmangin taza an cuai.

June 5, 2020 nazi 5.30am ah a facebook cahmai ah “Refugee an kaihmi pawl cu thawnginn sungah an hmuhsuam tuk, an zoh ṭha lo” tin ca a tar ruangah taza an cuai thu Malay Mail thuthang ah an tarlang.

Heidy Quah Gaik khalin a thiam thu a rel ve ih a thubuai cu September 6, 2021 ah an relsal ding. Tu’ahcun RM2,000 zatin an bial suak lawk, thiamlo an coter asilen kumkhat sung thawngthlak lole RM50,000 zat a kuan ding. A thubuai izir in thawngthlak le cawhkuan khal a tuar thei veve.

Be the first to comment

Leave a Reply

Your email address will not be published.


*