Malaysia Siizung Ah Nu Pakhat A Thi Zik Ih A Canganmi In Mipi Riah A Siatter

Malaysia siizung pakhat ah damlo bese zet an tuamhlawm ih ṭhalam pan thei loin a natnak cu a zual deuhdeuh. Siizung aum sungah vehvaitu khal anei lo, cutin a thi zikte ti a theiaw ih siizung sung hnaṭuantu hnenah pen le cahnah a dil.

A canganmi ah sungkhat naivai zohman anei lo, fapa pakhat lawng anei ih a fapa cu rualban lo a si ih a ṭong thei lo.

Sibawi hnenah a ruak an tuamhlawm tikah a hmai hi khuh lo dingin a cah ih a fapa hnenah, “Na nu a thi zo…” tin in rak simsak hram uh a ti. A fapa ih hmin cu Imran tin a ngan ih midang biaknak ding phone number khal a ngantel.

A canganmi cu online parah an tarlang ih mipi riah a siatter zet, lainat um zet nu cu mual a liam ngaingai ih a canganmi vekin an rung tuahsak le tuah lo cu theih a si lo. Mipi in mual liamtu le a tantami a fapa hrangah thlacamnak an neihsak rero.

Be the first to comment

Leave a Reply

Your email address will not be published.


*