Malaysia Thawnginn Ihsin Myanmar Mi An Tlansuak, 6 Cu Motor In A Pah That

Malaysia, Bandar Baharu thawnginn ihsin Myanmar mi, Rohingya miphun mi 528 cu April 20, 2022 zinglam nazi 4:30AM hrawngah thawnginn ihsin an tlansuak.

Thawnginn sangka an ti siat hnuah thawnginn kulhnak pawl cu an siatsuah ih an tlansuak. Palik pawl ih kaih an áš­ih tuk ruangah lamzinpi cu an kaan ih motor in mi 6 cu an pah that.

Mipa 2, nunau 2 le nauhak 2 ih ruak cu lamzinpi ah an hmu. Palik pawlin thawngtla tlansuak cu an hawl ciamco hngal ih minung 362 cu an kaisal, midang khal kai dingin an hawl rero lai.

2020 kum Covid-19 thlisia a hrang lai ihsin thawngtla Rohingya miphun pawl cu thawnginn hmun pakhat ah an ret.

Be the first to comment

Leave a Reply

Your email address will not be published.


*