“Malaysia Um Kan Naupa In Aungbali Ting 1 Zik Te A Poh Ih An Pu In A Laksak Ih A Pe Duh Nawn Lo, Kan Va Feh Tikah Cun >>>

Malaysia ram ih Kawlram mi pawl bawm ṭheutu “Thinlung Mawi Mino Pawlkom” ih tarlang mi. “Malaysia, Raub Pahang ah hnaṭuan ih um kan naupa in Malaysia aungbali a poh ngah. Kan naupa hi Rakhine miphun a si ih a hmin cu Maung Maung Myo a si.

Aungbali ting 1 zikte a poh ngah ih an pu in ava suahsak hnuah a pe duh nawn lo, an pu in a suahsaknak ruangah RM 10,000 in pek a ṭul a ti hnuah RM 30,000 lawng a pe. A dang RM 60,000 cu a pe duh nawn lo, a hmuhsuam. Kan naupa in kan hnenah bawmnak in dil, an umnak hi nazi 2 sung feh a ṭul.

Kan va feh tikah cun an pu cu innleng ah ara suak ngam lo, CCTV lawngin in rak zoh ih RM 50,000 cu a pe hngal. A dang RM 10,000 khal a thaisun ah ka rak pe ding in ti. Aungbali ngahtu kan naupa cu a lungawi tuk ih “Thinlung Mawi Mino Pawlkom” hrangah RM 3000 a hlu cih.

A dang cu Kawlram lam kuat dingin kan tawlrel sak. Tuisun cu misual vekin kan va cangvai ih misual dinhmun in kan hlawhtling thei. Misual ngaingai thawn kan tongaw lo cu kan vanṭha tuk. Malaysia um kan u le nau pawl, aungbali nan lei asilen official ih zuarnak dawr ta lei cio uh.

Malte poh ngah ahcun a poi lo, tampi nan poh ngah ih an lo pe duh lo asilen tuah thei mi zianghman aum lo. Kan naupa Maung Maung Myo ih innsang parah damcahnak thleng hram seh, a hlu na peknak parah kan lungawi tuk”.

Be the first to comment

Leave a Reply

Your email address will not be published.


*