Malaysia UNHCR Mithar Lak Ding Thu

7 June 2022 ah UNHCR le community hruaitu pawl meeting nak neih a siih cumi ah UNHCR document renew thu le June-December 2022 ih UNHCR mithar lak daan ding thu pawl reltlannak neih a si.

(1) UNHCR MITHAR LAK DING THU
UNHCR hin 2019 hlan New Registration Request tuahtu, 2019 kum sung New Registration Request tuah tu le Vulnerable Individual pawl cu co-u pe in mithar lak ding tumtah a si. Vulnerable Individual sungah damlo sumpai tamzet cem ih tuamhlawm tul, kaihkhih tong, ngaihsak tul ih ruah mi nunau, nauhak le kum upa pawl an tel a si.

Asinan UNHCR in anmai tahnak (Criteria) an neih ruangah a tlun ih tarlan mi pawl sungin anmai tahnak ih register tuah tul lole humhim tul ih an ruah mi lawng tuah sak an si ding. Hminsin: New Registration Request tuah zo nan phone number thleng pawl cun UNHCR website ah reference number ngan tel in phone number update tuah ding asi.

(2) CARD RENEW THU
Card renew ding cu a cem hlan zarh (2) duh ah appointment ni le caan thawn phone ah SMS caakuat don a si dingih Appointment ni hlan ni (3) duh ah theihternak SMS caakuat pakhat don a si leh ding.
Appointment ni cu a tlang pi in card expired ni ah a si ding. Card renew ding feh tikah Appointment peknak SMS hmuh hnu lawngah a sung luh sian an si ding. Appointment pek mi caan ai minutes 30 tuan ah thlen ding asi.

(3) THU DANGDANG
Nupa benawk, Fate ben le card hlo pawl cu UNHCR website ah appointment request tuah theih ringring a si. Appointment request tuah hnu ah reference number a lang ding. Cumi number cu hminsin lole a caa print in ret that ding a siih appointment pe dingin UN lam ih contact hngah leh ding a si. Card hlo pawl hrangah appointment request tuah hnu thlakhat sungah appointment pe in zungah kawh an si ding.
Hminsin : UNHCR zungah rawl zuar a si nawn lo ruangah zungih appointment nei va feh pohpoh cu mahten rawl le tidai ken cio ding a si.

Thubet : Kan member sungah New Registration Request tuah hrih lo kan um asile tuah cio dingin kan forhfial aw duh. Voihnih, voithum tuah bet ruangah UN lam ih kawh ran phahnak a si loih hleiah mithar laknak tlai ter thei tu sawn asi. Curuangah a tuah zo tu cun tuah bet lo in mai Reference Number cing keng in UN lam ih kawh ding caan hngah hrih sawn ding a si. Website ih update lole register tuah thiam lo kan um khalle FRO in kan lo bawm thei ringring. (#FPM-FRO) (Malaysia hrang UNHCR lutnak website hmet’aw)

Be the first to comment

Leave a Reply

Your email address will not be published.


*