Malaysia Milar Hminthang In Vietnam Mipi Hnenah Ngaihthiam A Dil

Kum 23 mi Siew Pui Yi cu tulai Malaysia milar hminthang a si. US magazine hminthang cahmai khalah a zuk an tarlang ih Asian nunau lakah ‘Penthouse’ magazine cover ih zuk cuang hmaisabik a si.

Malaysia ramsung lawng siloin leitlun huap ih milar pakhat a si. Vietnam ram ah ava tlawng ih Vietnam pawlin an upat zetmi hnamthuam ‘Ao Dai’ cu a hruk ih Vietnam tiva ah a zukaw, asinan Vietnam hnamthuam cu ṭhaten a hruh lo.

A pawhte le taw lang thei zik te in a zukaw cu Vietnam mipi pawl an thinheng tuk, curuangah a zuk cu online pawl ihsin a hlonhlo sal ih April 6 sun ah ngaihthiam dilnak ca a tarlang. Ngaihthiam dilnak ca cu ṭong phunthum Vietnamese, English le Chinese in a ngan.

Siew Pui Yi in, “Vietnam mipi hmelṭha pawl, Vietnam ka ra tlawng lai ih ka zuk ruangah mi tampi nan thinheng tuk ti ka thei. Nan hnamthuam ka lo upatsak lo ruangah ka thinlung takten ngaihthiam ka lo dil. Leitlun ih hnamthuam le miphun thilri cu ka upat ringring thlang ding, ngaihthiam ka lo dilsal” tin a tarlang.

Be the first to comment

Leave a Reply

Your email address will not be published.


*