Mandalay Ah Nunau Nauhak Kum 4 Mi Cu An That Ih A Sui Hnakhai An Laksak

Myanmar ramsung buainak cu kumkhat a liamzo ih cumi lakah misual le suamhmang khal an pung ciamco ruangah vahsuah tikah fimkhur a ṭul zet.

Mandalay ramsung, Ohn Chaw khua, Ahmat (7) vengsung ih um nunau nauhak kum 4 mi cu January 6, 2022 sun ah a hlo. An khawsen in an hawl ciamco nan an hmu thei lo ih a nulepa cu an thinhar tuk.

Tuizing ah an khua kiang tiva kap ah thicia in an hmu, dip sungah an rak thun ih a ruak cu tiva kap ah an hlon. A sui hnakhai khal suamhmang pawlin an laksak thu vengsung mipi pawlin an rel.