Mandalay Ah Thingkung Kiak In Fala Nen That

April 11, 2022 zan ah Mandalay ramsung ah nasa zetin thlisia a hrang ih ruahpi a cen. Thlisia ruangah thingkung pawl an kiak ih thingkung kiak in fala kum 22 mi Ma Win Sandar Swe cu a nen that.

Ma Win Sandar Swe cu Karanikan khuami a si ih Pelhaw Pho khuahnar ah vanduainak a tong. Tualsung mibawmtu U Khin Maung Tint in, “Pelhaw Pho khuahnar ah thingkung tumpi a kiak ih bike mawng lai pakhat a nen ngah.

Kiangkap um pakhat in arak hmu ih in sim thei hnuah thing hnuai ih um bike le minung cu kan dirsuak. An khua lam ih tlung a si ih lamzin ah vanduainak a tong” a ti. April 11 zan ah thlisia a hrang ciamco ruangah ralhrang pawl ih ti tawih puai lawmnak ding hmun khal a siat, a cim.

Be the first to comment

Leave a Reply

Your email address will not be published.


*