Mandalay Bazar Ah “Dawr Khan Nan Ong Lo Asilen Kan Lo Lonsak (Tinsak) Ding” Tin Ca An Tar

Myanmar ralkap pawlin thuneihnak an lak hnu ihsin bazar tam zet cu CDM tuah in dawr an ong nawn lo. Mandalay ih စျေးချို bazar khal an rak khar ringring ih ralkap in ongsal dingin an fial ṭheu nan zohman in an ong duh lo.

Curuangah ralkap pawlin “စျေးချို bazar cu May 21 ihsin ongsal ding tin thu kan rak suah zo nan dawr khan ong an um lo ti kan thei. May 24 tiang dawr khan ong lo pawl cu daan vekin nan dawr khan pawl kan lo lonsak ding a si” tin an tarlang.

Dawr neitu pakhat in “Manisun ah ca cu an tar, tulai ih dawr ong cu a him lo. Thil leitu khal an um lo ih ziangtik ah ralkap pawlin thil in ra laksak ding tin kan thin a phang ringring. Anmah pawl si kan ṭihmi cu. Hitin ca an tar asikhallen dawr cu kan ong cuang lo ding” a ti.

Ralkap in May 24 tiang dawr khan ong lo pawl cu kan lo tinsak ding tin ca an tar nan dawr neitu tam sawn cu dawr khan ong an tum cuang lo.

Be the first to comment

Leave a Reply

Your email address will not be published.


*