Mandalay Palik In Palik Bawi A Kap That Ih A Tlanhlo

Mandalay Division, Sint Ku Township, Shwe Pyi Police Station sungah kahawknak a thleng. June 28 zanlai nazi 12;00 hrawngah palik pakhat in palik bawi a kap that ih a tlanhlo.

Zanlam ah an buaicia ih an sualaw ti theih a si, cutin zamṭim laiah palik in an pu cu ava kap that. Vengsung mi pakhat in “Zamṭim laiah Shwe Pyi Police Station ihsin meithal awn kan thei, vei 6 meithal awn kan thei.

Sakhan sungah an buai vutvo ih lenglam mi thawn an kapaw a si lo ti cu kan thei, meisa an ti sia ih veihnih meithal awn kan thei bet. Motor pangai 2 ava thleng ih, cumi hnuah ralkap motor 2 a thlengsal.

Sakhan sungih minung an kim le kimlo zingzoinak an nei ih ralkap motor cu an tlansuak sal, cumi hnuah pawlkom motor ava thleng ih mithi ruak pakhat an phursuak lai kan hmu” a ti. Palik bawi kap thattu palik cu a tlanhlo man ih an kai ngah lo ti theih a si.

Be the first to comment

Leave a Reply

Your email address will not be published.


*