Mandalay PDF, “Kan Hngakhlap Zetmi Doawknak Ni Kan Thleng”, Tuizing An Kahawknak Ih Mithi Le Hliamtuar

Tuizing June 22 zinglam nazi 7:00 hrawng ihsin ralkap le Mandalay PDF pawl an kapaw ciamco. Mandalay, Chanmyatharzi Township ih PDF umhmun khuarnak cu dalan pawl hrangah ralkap in an thei.

Ralkap pawlin an va sim tum cu an rak kap ciamco ih kaphnih kahawknak a suak. Mandalay PDF thuphuangtu Bo Tun Tauk Naing in “Kan umnak simtu an um ruangah in ra nuai tum, an ra ti kan theih veten kan rak ralring ve ih kan kapaw.

Mipi lakih um kan member pawl cu hmunhimnak lamah an um zo, dung kan dip a si lo. Kan do vivo ding, ral kan tho zo a si. Kan hngakhlap zetmi doawknak ni kan thleng zo” a ti.

Mandalay PDF in tuizing an doawknak ah minung paziat an thi ih hliam an tuar ti an theifiang thei hrih lo. Ralkap thuthang Myawaddy TV ahcun PDF 8 an thi ih 8 an kai, hliamtuar khal tam zet an um tin an phuang.

Myanmar khuasung doawknak an thok zo ih mipi khal fimkhurten tlanlen dingin theihter an si, Mandalay mipi kilhimtu PDF pawl cu Bago-PDF, Pyi Oo Lwin PDF, KDDF le pawlkom dangdang in va bawm an tum.

Be the first to comment

Leave a Reply

Your email address will not be published.


*