Mandalay Thawnginn Sungah Meithal Awn An Thei

Mandalay, Obo prison thawnginn sungah meithal awn an thei ih thawngtla pawl ih innsang cu an thinhar zet. Kan dung zarhpini cu 8, 8, 2021 a si ih 888 kum ih lamzawhtu pawl upat peknak an nei, Myanmar mipi pawlin 888 kum theih ringring nak 33rd Anniversary an hmang.

Obo thawnginn sung khalah thawngtla pawlin ralkap khal ṭih loin an au ih hla an sak hnuah lenglam ihsin meithal awn an thei ih an hlasak khal a dai cih an ti.

Thawnginn kiangih um pacang pakhat in “Zinglam nazi 9:00 ah hla an sak ih an au, minute 5 hnuah ralkap pawlin sakhua thlacamnak hla cu loudspeakers in an play. Minute 30 hnu 9:30 tiang cu an thawm celcel ih meithal awn veihnih kan thei” a ti.

Media pawlin thawnginn kiltu Chan Aye Kyaw hnenah thuhla an sutfiah ih ṭhaten arak sim duh lo, “Zohman kan tuahmawh lo, zopawl an au ih hla an sak ti kan zingzoi rero lai” a ti. Thawngtla pawl cu ralkap in an hmuhsuam thei zet nan lenglam mipi pawlin thawnginn sungih thilthleng cu an theithei lo.

July 23 khalah Yangon Insein thawngtla pawlin duhphorhnak an rak nei zo, thawnginn sungah Covid-19 nathrik a darh ciamco ih damlo khal an tam zet. Asinan ralkap in damlo pawl cu an tuamhlawm thitha duhlo ruangah duhphrohnak an nei. Cumi hnuah ralkap tam zet cu meithal le ralthuam thawn thawnginn sungah an va lut ciamco.

Be the first to comment

Leave a Reply

Your email address will not be published.


*