Mandalay Veng Lal An Dawt That

Mandalay, Pyigyidagun Township ih um Nyo Aye cu ralkap pawl ih ret mi veng lal a si, inn 100 uktu a si. June 26 zinglam ah zo ti theih loin nam in an dawt that.

Phungki thawn bike in an phuraw ih phungki cu innkhat hnu innkhat ah lut in rawl a khong, 58th le 59th karlakah an dingih phungki cu mi inn ah ava lut.

Cumi sungah nam in an rak dawt ih a au ciamco, vengsung nu pakhat in ‘Uisual umnak veng a si ih, ui in an keu ah kan rak ruat lawk’ a ti. Siizung lam an tlanpi laiah a hliamhma tuar loin a thi

An vengsung ah ralkap pawl an va lut hngal ih meithal an hmet puak ciamco. Innkhat hnu innkhat ah an lut ih thusutnak an nei vivo, cun kiangkap um CCTV record mi khal an la ih nam ih dawttu cu an thei men thei ti an zum.

Mandalay ramsung cu ralram vek a si thlang, bomb puak awn le kahawknak thuhla khal theih ding aum ringring. June 22 sun khalah Mandalay People’s Defence Force (MPDF) le ralkap pawl an kapaw ih mithi le hliamtuar an um hnuaihni.

Be the first to comment

Leave a Reply

Your email address will not be published.


*