Mankhung Zetin Rang-dum A Lei, Tak A Kholhter Hnuah Rang-sen Ah A Cang

Rang-dum hi an um mal tuk ruangah an man khal a khung cuang. India, Punjab pacang in rang zuartu mi pathum hnen ihsin rang-dum mawi zet cu Rs. 23 lakh in a lei.

Sumpai an pekawk hnuah lungawi zetin rang-dum cu a tlunpi, inn an thlen hnuah a rang-dum cu tak a kholh ih rang-sen ah a cang. Rang zuartu pawlin rang-sen cu rawng-dum in an rak cei danglam mi a si.

Rang leitu in, “Bumawknak a si. Rs. 7.6 lakh cu sumpai in ka pe, sumpai dang cu cheques in ka pe” a ti. Rang zuartu mi pathum cu palik hnenah mibum hmang tin thubuai ava thehlut ih palik pawlin an buaipi rero lai.

Be the first to comment

Leave a Reply

Your email address will not be published.


*