MATC / MDF Hriamkai In An Policy Ah Min Aung Hlaing Do A Ṭullo An Ti

Kan dung March 25, 2022 ah Ngaphaite khua ah Maraland Defense Force & Mara Army (MDF) le CDF-Mara an kapaw ih CDF ralkap Salai Pawpaw Mahein ih nunnak a liam. Mara Administrative Territorial Council / Maraland Defense Force (MATC/MDF) hruaitu in an tumtahmi / fehpidan policy danglam zet a rel.

“Pathian in a siat zo mi Mara leiram tuahṭhah sal dingin himi policy in pe ti kan theih a ṭul. Ṭhenkhat in Min Aung Hlaing do a ṭul an ti rero, kannih cun Min Aung Hlaing hi do a ṭullo. Mara leiram tuahṭhat ding lawng kan tumtahmi a si.

Ziangruangah Min Aung Hlaing do a ṭullo ti asilen zankhat thilthu ah sungduak in a thi thutthi thei. Abraham Lincoln in ‘ramkhel thiambik cu a ral pawl thawn rualpi ṭha tuah theitu a si’ a ti. Curuangah kan ral hi ral tin kan ruat kem? Rualpi ah kan tuah sawn kem?, kan ruatawk ṭhah a ṭul.

Jesuh khalin nan ral pawl duhdawt uh’ a ti. Mi ṭhenkhat in Min Aung Hlaing, Min Aung Hlaing tin an au ciamco. Min Aung Hlaing hi do a ṭullo ih cohlang khal a ṭul fawn lo. Kan au rero khal asilen zianghman a si cuang lo ding, kan au rero khal asikhallen rahṭha a suak cuang lo ding, a siakha deuhdeuh sawn ding.

Tlawng saya / sayama pawl cu CDM tuah uh an tiih CDM an tuah ruangah kan khua le ram ah nauhak fimthiamnak a tlai. Nauhak pawl tlawng an kai thei nawn lo, hitin kum 5 sung kan um ahcun tu ih nauhak kum 5 mi cu kum 10 arak kim ding, kum 10 mi cu kum 15 a kim ding. Kum 10, kum 15 an kim tikah phunhnih in tlawng an kai duh nawn lo ding, nupi pasal neih an hril sawn thlang ding.

Curuangah kan aa deuhdeuh ding, kan policy ah CDM tuah a ṭullo. Cozah thawn pehtlaih awknak lamzin aum asilen kan pehtlaih dingih kan tumtahmi cu kan fehpi vivo ding. Kan dungah khuami pakhat cu meithal in an kap ngah, siibawi pawl CDM an tuah thluh ruangah a hliamhma cu tuamhlawmtu an um lo. Siivai date-out zo mi in an hnih ih puansia thawn an tuam, a kut khal a bul zik te.

Kan pawlkom sungah siibawi an um ruangah kan siibawi pawlin an tuamhlawm sak ih an lungawi tuk. Himi hi ziangruangah ti asilen CDM an tuah ruangah a si. Curuangah CDM tuah uh, nan tuah lo asilen hremnak kan lo pe ding tin lo hringhrotu an um asilen kan hnenah in ra sim uh.

Himi kiangkap ah kan um, himi leiram cu kan leiram a si. Isaiah sungah ‘himi leiram sungah rinumten thu nan ngai asilen himi leiram sungih suakmi hanghnah hangrah pawl nan ei ding. Thu nan ngai lo asilen nam thawn sat nan tong” a ti. (Laknak: Matupi Revolution News)

Be the first to comment

Leave a Reply

Your email address will not be published.


*