Matupi Ah Bank Kiltu Ralkap (2) Cu Ralthuam Kimcang Thawn An Tlan

Chin State, Matupi, Myanmar Economic Bank kiltu ralkap (2) cu ralhrang kuthnuai ah hna an ṭuan duh nawn lo ih an tlanhlo. April 21, 2022 ah ralthuam kimcang thawn an tlan, ralhrang pawlin an hawl rero lai.

Khuasung inn lakah an hawl, khawleng lam khalah pukpi an kap. Ralkap (2) an tlansuah ruangah ralhrang pawlin khuasung mi ṭhenkhat an kai, ralkap (2) cu khuitawk hmun ah an tlan ti theih a si hrih lo.

April 21 zinglam nazi 10:00 hrawngah CDF-Matupi le ralhrang pawl an kapaw, Matupi-Paletwa lamzin ah an kapaw ih ralhrang 6 an thi ih 7 hrawngin hliamhma an tuar.

Matupi-Paletwa lamzin doawknak ruangah lamzin kap ih um khuasung mipi pawl cu ramlakah an tlan, ralhrang pawlin an thilri bungrua pawl an rak ruksak thu theih a si.

Be the first to comment

Leave a Reply

Your email address will not be published.


*