Matupi Ah Mino 5 An Kai, An Umnak An Thei Lo

Chinram, Matupi Township, Chan Pyan khua ih un mino 5 cu ralkap pawlin an kai, an kaihmi lakah nunau pakhat a tel. An kaihmi nunau cu August 20 zanlam nazi 6:00 ah an thlahsal nan midang 4 cu khuitawk ah an hruai ti khal an thei lo.

Khuasung mi pakhat in “August 20 sun ah mino 4 an kai, a thaisun ah pakhat an kai. An kaihmi nunau Ma Le Le Win cu an thlahsal, midang cu tutiang an suah hrih lo. Palik sakhan khalah an hruai lo, tuisun cun nithumnak a si thlang.

Khuitawk ah an hruai ti khal kan thei lo ih ziangruangah an kai ti khal kan thei lo. An kaihnak hmun cu check gate ah a si, an 5 in khawkhat an si” a ti. Chan Pyan khua cu Matupi kiangte ih um a si, an kaihmi 5 pawl ih hmin cu Ma Le Le Win, Ko Di Zin Thang, Ko San Thein, Ko Then Twee le Ko Htaung Pein pawl an si.

April 7 le 8 khalah Matupi mino 5 cu ralkap pawlin tuiáš­um dothlennak ah an tel ding ti rinhlelnak thawn an rak kai ih tutiang an suah hrih lo. (#Khonumthung Burmese)

Be the first to comment

Leave a Reply

Your email address will not be published.


*