Maubin Khua Ih NLD Sungṭuan Ṭhenkhat Cu Ralhrang Pawl Thawn Hna An Ṭuantlang >>>

Ayeyarwady ramkulh, Maubin khua, ahmat (1) vengsung ih NLD party sungṭuan ṭhenkhat cu ralhrang pawl thawn hna an ṭuantlang ih dalan an ṭuan tin vengsung mipi pawlin media hnenah an sim thei. Zan ah ralhrang pawl thawn khuasung ah an vaktawi ih an duty, motor le bike mawng pawl cu thusutnak an rak tuah ṭheu.

Tualsung mi pakhat in, “Ahmat (1) vengsung hohatu pawl an si, tu’ahcun ralhrang pawl thawn hna an ṭuantlang ih mipi hnenah harsatnak an pe. Mizan khalah zan nazi 1:00 hrawngah ralhrang pawlin an inn ah an va thlah lai kan hmu” a ti.

Maubin ramsung ih NLD Hluttaw hlun, NLD party sungṭuan ṭhenkhat le an khua lal fapa cu ralkap le palik pawl thawn hna an ṭuantlang ṭheu. Maubin khuami in, “Ahlan ahcun NLD party aiawh in khuasung ah ṭuanvo an nei, tu’ahcun ralhrang pawl thawn an komaw.

Kan khua lal fapa khal a telve, lamzin ah an duty ih bike mawng pawl cu an rak kai. Zan tlai hnuah ralhrang pawlin an inn ah an va thlah ṭheu” a ti. Maubin ramsung ah ralhrang pawl hi an sual zet ih ralkap uknak dodaltu pawl cu an kai ṭheu, curuangah ramkhel mi tam sawn cu sahimnak hawlin hmun dangdang ah an tlan ih tuini tiang an tlung ngam hrih lo.

Be the first to comment

Leave a Reply

Your email address will not be published.


*