May 21 Zan, Mindat Kahawknak Ah Salai Thang Naing A Thi

Chinram hmun dangdang ah kahawknak a thleng rero lai. Mindat peng, Pukun khua ah Mindat mipi kilhimtu le thuneihnak latu ralkap pawl an doaw rero lai.

May 21 zanlam nazi 2:00 ihsin 6:00 tiang hrawng cu nasa zetin an kapaw ciamco. Mindat mipi hruaitu upa pakhat in “Ralkap pawl cu an uniform an hruh lo ih mi pangai vekin hnipuan an hruh.

Raltlan vekin an ra ih kan kapaw. Ahlan vekin RPG le mortar bomb pawl an hmang” a ti.

An kahawknak ah pasaláš­ha Salai Thang Naing cu a thi, mipi kilhimtu lam minung 9 in hliamhma an tuar nan an bese tuk lemlo. Ralkap lam pakhat a thi ve ih hliamhma tuar khal an um hnuaihni ti a si.

Be the first to comment

Leave a Reply

Your email address will not be published.


*