May 9 Sun Doawknak Ah PDF-Kalay (2) Ih Nunnak Liam

May 8, 2022 ah ralhrang 200 hrawng le tualsung mipi ralkap PDF (Kalay), CDF (KKG) pawl an kapaw. Zan nazi 7:00 ihsin nazi 10:00 tiang hrawng nasa zetin an kapaw ciamco ih amalbik ralhrang (10) an thi.

May 9, 2022 ah Kalay peng, Yeshin le Donwe khua kiangah an kapaw sal. Zinglam nazi 8:00 ihsin simlam nazi 4:00 hrawng tiang an kapaw ih ralhrang (4) an thi, PDF (Kalay) ralkap 2 ih nunnak a liam.

Ram le miphun hrangih nunnak liamtu pahnih cu Salai Alexander Sang Kung Thang (kum 17) le Salai Stephen Biak Tha Thawng an si. Salai Stephen Biak Tha Thawng ih ruak cu an la zo nan Salai Alexander Sang Kung Thang ih ruak cu an la thei hrih lo.

Tualsung mi in, “Salai Alexander Sang Kung Thang ih ruak cu kan la thei lo, kan riah a sia tuk. Mino te a si ih kum 17 a kim pekte” a ti.

Be the first to comment

Leave a Reply

Your email address will not be published.


*