Mee Sa An Suang Lo Ruangah Mopa In Mopuai A Cancel

Odisha ih um tlangval kum 27 mi Patra le Bandhagaon khua ih um fala cu June 23 zan ih neiaw dingin an tawlrel. An neihawk ding zinglam ah mopa tei innsungsang cu monu tei khua ah an va thleng, monu tei innsang in an rak hmuak ih rawlei khawmnak an nei.

Mopa lamin mee sa rak tuah dingin an simcia, asinan monu tei innsang in an rak tuah lo. Rawl an ei laiah mopa in mee sa a sut ih an tuah lo thu an sim cu buainak a suak cih, ṭongkam elawknak a suak ih mopa in a zan ih an hmang ding mi mopuai khal a cemter.

Monu lamin an lem rero nan an hlawhsam, mopa tei innsang cu an tlungsal ih an khua thleng hlan khua ih an sungkhat tei inn ah an va cawl lawk. Cutawk ah thu an relkhawm ih kut lawng ih tlung aicun tin cutawk ah fala pakhat an bia ih kutsihnak an tuah hngal.

Patra in zinglam ah nupi neih a ṭhulh nan zanlam ah nupi dang a nei thotho. An mopuai thuhla ah zohman in palik an ko lo, 1980 kum ah hivek deuh in buainak arak thleng zo ih cutawk ahcun palik pawl an ko hnuah an thubuai cu relfel sak a si.

India ramsung ah neihawknak danglam zetzet a thleng zo, a tlangpi thu in nulepa lungkimnak ih neiaw an si ruangah an thuhla khal theiaw cia mumal loin an neiaw ṭheu. Curuangah an ṭhenawk dan khal a awlsam thei zet.

Be the first to comment

Leave a Reply

Your email address will not be published.


*