“Meisa Man Nan Pe Lo Asilen Meisa Kan Lo Mitsak Ding” Titu Pafa An Kap

Yangon peng, Htantabin YeSo MinSu khua ih um ralhrang lamtang pafa cu May 23, 2022 zinglam nazi 10:45 ah tualsung mipi ralkap From Zero to Hero pawlin an kap.

U Thaung Myint le a fapa Thet Zin cu ralhrang lamtang an si ih Pyu Saw Htee sungtel an si. Yoke Khwa le Aye Ywa Lay khua karlak ah mipi ralkap pawlin an kap ih U Thaung Myint cu a hmun ah a thi cih.

A fapa khal meithal in veikhat an kap ngah nan tiva ah a dawp ih tutiang an hmu thei hrih lo ruangah a thi le thi lo cu an nenhnget thei lo. From Zero to Hero hotu in, “Thih nan ṭih lo asilen dalan, ralhrang lamtang hrih uh” a ti.

U Thaung Myint kaihruainak in khuasung mipi pawl hnenah meisa man an dil ṭheu, meisa man pe lo pawl cu meisa kan lo mitsak ding tin an hringhro. Ralhrang pawl thawn khuasung ah ralhrang dodaltu, lamzawhtu pawl an kai ṭheu.

Be the first to comment

Leave a Reply

Your email address will not be published.


*