Meithal Keng Pawlin Mandalay, Falam Baptist Church Pastor An Hruai Suak

Mandalay, Falam Baptist Church Pastor Rev. Thian Lian Sang cu ralkap kor hruh lo, mipangai vekih um meithal keng pawlin an inn ihsin an hruai suak.

September 16 zinglam nazi 11:00 hrawngah mipangai vek ih um meithal keng pawl cu an inn ah an va lutchilh ih “Thusut ding aum” tin an hruai suak. An inn hmaiah motor pangai (ralkap motor si lo) 3, bike 3 le minung 20 hrawng an va feh.

“Kan inn hmaiah mipangai kor hruh pakhat ara ih “Sayapa aum maw?” tin in sut. “Um ee” kan rak ti, thusut ding kan nei ih kan sut thluh hnuah kan ra thlahsal ding” in ti. Khuitawk ah an fehpi tum, ziang sakhan ah an fehpi tum ti khal in sim lo.

An zaten mask an bun thluh ih meithal an keng, innsung ih phone 5 khal an la. Nan nih khal khuitawk hmanah rak feh hlah uh, kan lo zoh ringring in ti” tin an innsang pakhat in media hnenah a sim thei. Covid-19 thlisia a veithumnak a hrang laiah Rev. Thian Lian Sang cu Mandalay ih Covid-19 damlo pawl tuamhlawmnak a tel áš­heu. (#Zalen)

Be the first to comment

Leave a Reply

Your email address will not be published.


*