Dawei District, Yebyu Township, Mudu khua ih um pacang kum 50 mi U Kan Soe cu meithal kengin tualsung mipi pawl a hringhro ṭheu. U Kan Soe hi ralhrang lamtang a si ih Pyu Saw Htee sungtel a si. Tuisun June 16, 2022 sun nazi 3:00 hrawngah zo ti theih lo pawlin an innsung ah an va lutchilh ih an kap that.
Vengsung mi pakhat in, “An inn sungah an kap that. Meithal awn hi vei 8 hrawng kan thei. U Kan Soe hi khualak ah meithal kengin a vak ṭheu ih ‘Thil pakhat khat nan tuah asilen ralhrang pawl thawn kan lo kai thluh ding’ tin tualsung mipi pawl a hringhro ṭheu.
A fehnak hmunkip ah meithal a keng ringring, ‘Thisen in pawlkom ka si hi’ tin uangaw zetin a rel ṭheu, ralhrang lamtang a si ih ralhrang pawl hnenah mipi thuhla a sim ṭheu” a ti.
A ruak cu siizung motor in an phursuak, zo pawlin an kap that ti theih a si hrih lo. Kan dung thla khalah NaBu khua ih um ‘Thisen in Pawlkom’ hruaitu U Nyi Ny an kap that zo.
Thudang: Malaysia Pacang Cu Tisartan In A Keu, Tisartan Cu A Beng Ih A Luat Thei
Malaysia, Sarawak khua ih um pacang kum 54 mi Bohri Jali cu June 4, 2022 ah tiva kap ih an inn te cu a remṭha. Cutin hna a ṭuan rero laiah tiva ihsin tisartan ara langsuak thutthi ih pacang cu a keu ciamco. Innsung ah a fanu kum 25 mi aum, a kiangah a nupi khal aum ve ih ti ngaihnak thei loin a au ciamco. “Ka fanu, na pa hi tisartan in a deh tum” tin a au ciamco ih a fanu cu innsung ihsin ava tlansuak.
Bohri in tisartan cu a beng ciamco ih a luat thei, tisartan in a thlahsal ih tiva sungah a pil hlo. Bohri hi hliamhma nasa zet tuar in siikhan ah an tuamhlawm rero lai. Thlakhat sungah Sarawak ramsung ah tisartan in minung veithum a keunak a si thlang.
May 19 sun ah kum 56 mi pacang cu tisartan in a deh, tiva ah an hawl rero ih simlam ah a lubul lawng an hmu. Tiva ah a lubul cu an hmu ih an lasuak. May 21 sun khalah mipa nauhak kum 7 mi cu tiva kap ah aum. A pi le a farnu thawn tiva kap ah an um ih tisartan in mipa nauhak te cu a deh, tuini tiang a ruak hi an hmu nawn lo.
Leave a Reply