Meithal Thawn Lamzawhnak Kiltu PDF (5) Cu Ralhrang In An Kai Ih An That

April 17, 2022 ah Sagaing, Monywa hrambun Unity Force (Monywa) PDF pawlin meithal in lamzawhtu pawl an kil. April 17, 2022 zinglam nazi 7:00 ah Monywa-Mandalay lamzin ah lamzawhnak an nei, minute 20 sung hrawng lamzawhnak an nei ih PDF pawlin meithal thawn an kil.

Cutin an cangvaih lai cu dalan in ralhrang hnenah arak sim thei. Ralhrang le Pyu Saw Htee pawlin an va lutchilh ih PDF 5 cu an kai hnuah an that cih.

Unity Forec (Monywa) PDF ṭuanvo neitu in, “Monywa-Chaung Oo lamzin ih security ṭuan PDF 5 cu dalan ruangah ralhrang le Pyu Saw Htee pawlin an kai ih an that. PDF 5 ih nunnak a liam” a ti.

Myanmar ramsung buainak ah mipi ralkap PDF in ralhrang pawl an kai asilen ṭha zetin an kilkhawi, an hliamhma pawl khal siivai thawn an tuamhlawm sak. Asinan, ralhrang pawlin PDF an kai asilen an hrem ciamco ih an that hngal ṭheu.

Be the first to comment

Leave a Reply

Your email address will not be published.


*