Mexican Ralkap Helicopter A Tla Ih Mi 14 An Thi

July 15, 2022 ah Mexican Ti Ralkap pawl ih helicopter a tla ih mi 14 an thi, pakhat cu siizung ah an tuamhlawm rero lai. Sinaloa khua ah a tla puak, ziangtin cansualnak an tong ti cu an zingzoi rero lai.

Himi sun thotho ah Mexico ramsung ih um ritheihsii siangpahrang hminthang Rafael Caro an kai, himi ralkap helicopter tla puak le ritheihsii siangpahrang an kaihnak hi pehtlaih awknak aum lo tin an phuang. Kum 69 mi Rafael Caro cu ritheihsii siangpahrang a si ih tualthatnak khalah a tel.

1985 kum ah America thlingthlatu cu an kai ih an hrem ciamco hnuah an that. Himi thuhla ah Rafael Caro cu an kai nan thawnginn ihsin a tlansuak thei. FBI pawl ih an kaih duhbik mi pakhat a si ih a lu man ah dollar ting 20 pe dingin an tarlang.

Be the first to comment

Leave a Reply

Your email address will not be published.


*