Mi 21 A Kah That Hlanah A Tupa Hnenah An Tlawnginn Umdan Pawl A Sutfiang

US, Texas nauhak tlawnginn ah mino kum 18 mi Salvador ava lut ih tlawngta nauhak pawl a kap ciamco. May 24, 2022 zinglam nazi 11:32AM ah ava lut ih meithal pahnih a keng, a hmuhhmuh cu a kap ciamco ih tlawngta nauhak 19 le zirhtu 2 an thi, hliamtuar khal tam zet an um ih siizung ah an tuamhlawm rero lai.

Salvador khal palik pawlin a hmun ah an kap that ve. Salvador cu hringtu a nu in inn ihsin a dawisuak ih a pi hnenah aum, a nu in palik pawl a ko. A nu thawn an buai hnu ihsin a lungawi thei nawn lo.

An nun a harsa tuk ruangah a tlawngkai laiah hmuhsuam a tong, a hnipuan hruhmi ruangah a tlawngkaipi pawlin an hmuhsuam ṭheu ih buaih ngah loin hna a ṭuan. A pi hnenah a tupa tei innsang thawn an umtlang khawm. A tupa cu phun 3 kailai a si.

A nute kum 28 mi in, “Tlawngta nauhak pawl ava kah hlanah ka fapa hnenah an tlawnginn umdan pawl a sut hmaisa. An tlawnginn umdan, an rawlei caan pawl a sut rero. Thil danglam ah ka rak ruat lo, ka fapa le Salvador cu an nel’aw tuk. Rualpi vek an si, unau cousin khal an si.

Salvador in tlawngta nauhak pawl ava kah laiah ka fapa khal tlawnginn sungah aum ve. Asinan, ka fapa tei khan ahcun a lut lo, a theicia ih a lut hrim maw ti cu ka thei lo. Ziangruangah tlawngta nauhak pawl a kap ti khal kan thei lo, tlawngta nauhak pawl a kah hlanah a pi ih hmai ah a kap. Siizung ah kan tuamhlawm rero lai” a ti.

Be the first to comment

Leave a Reply

Your email address will not be published.


*