Mi Pangai Vekin Hnipuan Hruh Ralhrang 2 Cu Bazar An Va Kai Ih An Rak Kap

Mandalay, 37th lamzin kap bazar ah ralhrang 2 cu mi pangai vekin hnipuan an hruh ih December 13, 2021 zinglam nazi 6:00 hrawngah bazar an va kai, asinan ralhrang an si ti an theithiam thotho ih an kap.

Mithmutu in, “Bike thawn an kiangnaite ah an dingih an kap, pakhat cu a bek ah an kap ngah ih a hmun ah a thi hngal. Pakhat sawn cu a hna ah an kap ngah, a dunglam khalah an kap ngah ih a hmai cu thisen in a khat. A hmai a hup ih Peepin Pout fun tumpi khai in a tlan ciamco” a ti.

Ralkap thi sawntu cu kiangkap um pawlin ralhrang pawl hotu pakhat a si ih a sual zet an ti. “Tu’ahcun bazar kai pawl khal an dawr an kharsal thluh ih an tlung. Uico ralkap pawlin mithi ruak cu an ra la zo ih meithal vei 5 an kap ta, mithi ralkap hi nitinten kan hmu ringring mi a si.

Tu hi vengsung ralhrang sakhan ah ralkap motor te 2 le ralhrang 20 hrawng an um” tin tualsung mi pakhat in media hnenah a sim thei. Himi thilthleng ruangah ralhrang pawlin kaihmi an nei hrih lo ih vengsung lamzin pawl an phit thluh ih zingzoinak an nei rero lai.

Be the first to comment

Leave a Reply

Your email address will not be published.


*