Mibawmtu Cu An Kai Ih An Kap That Hnuah Tiva Ah A Pil That Tin Thudik Lo An Phuang

Yangon, Hlegu ramsung, Yeik Thar veng ih um mibawmtu U Aung Kyaw Kyaw cu October 4, 2021 sun ah ralkap pawlin an kai. San um loin an kai ih Hlegu Township Stadium bualrawn ih thusutnak ah an hruai, thu an sut ciamco hnuah an kap that ih tiva ah a pil that tin thu an phuang.

U Aung Kyaw Kyaw cu mibawmtu a si, mibawmtu pawlkom pahnih ah hnaṭuan in oxygen hawltu a si. Tualsung mi pakhat in “U Aung Kyaw Kyaw cu san um loin an kai ih thusutnak hmun ah an hruai.

Thu an sut phahin an vuak, an beng, an sit ciamco. A ke khal thirtum in an rawt, a haa pawl cu palaiza (ပလယာ) in an dir thlong. Anih thawn pehtlaihaw lo mi thu tampi an sut ih a sim thei lo ruangah October 6 sun ah a lu ah an kap ih a thi” a ti.

October 7 ahcun ralkap pawlin tiva ah a pil that tin thu an phuang hnuah siizung ah an fehpi, sun nazi 12:00 ah mibawmtu pawlkom in a ruak cu an va la ih an vuiliam.

Be the first to comment

Leave a Reply

Your email address will not be published.


*