Mibawmtu Mino Cu Ralkap Pawlin An Hrem That Ih A Ruak Cu Ting 10 In An Tlenter

Yangon, South Okkalapa Township ih um mino kum 19 mi Maung San Win Aung cu ralkap pawlin an kai ih an hrem that, a innsang pawl hnenah a ruak cu ting 10 in an tlenter.

August 22 sun ah cozah office ah bomb a puak ih cumi bomb puahtu ih an rinhlel ruangah ralkap pawlin an kai. An hmeltheih pakhat in “Maung San Win Aung cu mibawmtu pawlkom ah aum, bomb puahtu silo cu an kai ih thu an sutnak ah an hrem that.

South Okkalapa Township, 21 Asoka veng sungih um a si. A innsang pawl hnenah a ruak cu ting 10 in an tlenter” a ti. Thu an sut laiah an hrem ciamco ruangah August 25 sun ah a thi, ralkap pawl cangvaihdan zohsal tikah that an tumcia ti a theihthei.

August 23 sun ah ralkap pawlin hringtu a nu hneneh an va hruai ih upatnak an pekter hnuah netabik thusim na duhmi pawl sim aw tin an fial.

Tualsung mi pakhat in “August 23 sun ah tlangval Maung San Win Aung cu a kut le ke pawl thirhri thawn an tawnbet ih a nu hmaiah khuk an bilter. An vuak, an velh nasa tuk zo ruangah amahten khal a feh thei nawn lo, ralkap pawlin ‘Na nu hnenah netabik thu na cah duhmi pawl sim aw an ti. Maung San Win Aung cu an that tumcia ti a theihtheih” a ti.

Be the first to comment

Leave a Reply

Your email address will not be published.


*