Mibawmtu Mino Pawl Khal An Cau That Zik, PPE Kor An Hruh Ringring Ruangah Oxygen An Ṭul

Myanmar ramsung buainak ah mino pawl hi an tangkai zet, ralkap cozah dodalnak khalah mino pawl cu nasa zetin an rak cangvai zo.

Cumi hnuah Covid-19 thlisia a hrangsal ih mipi pawl bawm dingin sun le zan rorin hna an ṭuan, mibawmtu mino pakhat in a rualpi pawl ih dinhmun cu online parah a thlah.

An khua le an hmin cu a tarlang lo, “Sunnivu in mithi ruak an thiar ih PPE kor an hruh ringring. Inn an ra thleng tik ahcun an thaw a sam ciamco ih oxygen pek ṭul dinhmun ah an um. Oxygen kan pek hnuah cun an ṭhasal ih mibawm dingin an poksuak sak” tin a tarlang.

Be the first to comment

Leave a Reply

Your email address will not be published.


*