Midang Bawmnak Ring Loin Mitcaw Nupa In An Fate 8 An Kilkhawi

Philippines nupa tuakkhat cu mitcaw veve an si, fate 8 an nei zo ih midang bawmnak ring loin anmahten an cawm thanglian. 2005 kum ah Manila khawpi ih mitcaw tlawnginn ah an tongaw ih cutin an duhaw, an neihawk hnuah Pampanga khua ah innsang an din ih fate 8 an nei zo.

An fate upabik cu kum 11 mi a si ih a nautabik cu thla 3 mi a si, an nupa in puainak hmun tivek ah hlasak in sumpai an hawl ṭheu. Covid-19 thlisia a hrang vekin sumpai lamah harsatnak an tong, asinan an beidong dah lo ih harsatnak cu an paltlang vivo thei.

Innsang nu kum 38 mi Marivic in “Ziangtin innluah man kan ngah ding ti ka thei, meisa khal kan nei nawn lo. Kan harsa tuk ko, asinan ka pasal in thazang in pe ringring. Hi harsatnak cu kan sual tlang ding tin thazang in pe ṭheu” a ti.

Mi ṭhenkhat in an fate cu cawmsak dingin an ra dil ṭheu nan an siang lo, “Kan harsa zet asikhallen kan fale pawl cu kan cawm thei ding” an rak ti.

Tu’ahcun online fehtlang in hla an sak ṭheu, innsang pa kum 39 mi Julius in “Ka nupi in khua a hmu thei lo nan innsang cangvaihnak zaten a ṭuan thluh, rawl a suang ih in kilkhawi. Kan hrangah a ṭhabik in thil a tuah” a ti.

Be the first to comment

Leave a Reply

Your email address will not be published.


*