Miharsa Pawl Bawm In Oxygen Bur An Thiar Laiah An Motor An Rak Ru

Myanmar ramsung ah Covid-19 thlisia a hrang ciamco ih ṭhenkhat cu miharsa pawl bawm dingin an poksuak, ṭhenkhat asilen mipi suam dingin an poksuak ve thung.

July 24 sun ah Yangon ramsung, Myaynigone, Shan Gone lamzin ah mibawmtu in oxygen bur an va zem ih motor par ihsin oxygen bur an thiar laiah an motor cu zo ti theih loin an rak mawngsuak.

Nwe Darli Tun in “Tuisun ah oxygen bur kan thiar laiah kan motor an rak ru, nan rak hmu asilen in pehtlaih hram uh. Myaynigone, Shan Gone lamzin ah a si.

Motor sungah ting 15 man siivai aum lai, motor number cu YGN- 1Q/1697 a si ih Suzuki motor a si. Zangfahten share-nak in in rak bawm cio uh” tin a facebook cahmai ah a tarlang.

Be the first to comment

Leave a Reply

Your email address will not be published.


*