Miharsa Pawl Bawmtu An Kai

Mon State, Thaton ramsung ih miharsa pawl bawm ṭheutu Daw Chaw Su cu ralkap pawlin an kai ih pukmah 505 hmangin thubuai an orhter.

Daw Chaw Su cu Thaton Donation Team ih hnaṭuan a si ih miharsa, damlo pawl a tuamhlawm ṭheu. August 16 sun ah ralkap pawlin rampi buaiter tu tin 505 hmangin an kai.

A hnaṭuanpi mino in “August 16 sun ah Thaton Donation Team member Daw Chaw Su cu ralkap pawlin diklo zetin an ra kai, ralkap pawlin Daw Chaw Su cu PDF pawl bawm ṭheutu an ti. Thildang cangvaihnak ah a tello, mibawmtu lawng a si” a ti.

Be the first to comment

Leave a Reply

Your email address will not be published.


*