Mihlo An Hawl Hmu Theilo Mi Cu Amahten Ara Tlung, Ahlohdan Cu Amak In A Danglam

Mizoram, Dilzawl khuami Huliana (kum 38) cu June 23 zanah a hlo thutthi, Bawngva ramah hnaṭuan in a riak. Zan nazi 7:30 hrawngah thiaraw dingin a suak ih a thuhla theih a si nawn lo.

Khuasung mipi le tlawmngai pawlin an hawl rero nan a sulhnu khal hmuh ding um loin a hlo bepbep. A thiarawknak thlam kiangah cun a kedam lawng hmuh a si. An hawl rero hnu ni 4-nak June 27 zanlam nazi 6:00 hrawngah amahten an khua ah ava tlung.

A cau zet ruangah biak ciamco a theih hrih lo, a hlohdan khal cipciar zetin a rel thei hrih lo. A hlohdan a tlangpi cu: An ramriahnak lamzinkap, tiva kiangah palap puk aum.

Palap buk cu Huliana in a soisa ruangah khuasia pawl an lungawi lo ih an hruaihlo a si ding tin an rel. Amah ih a reldan cu: “In kai ih ka lu an tan hnuah cabuai parah an ret. Cuti laiah ka hmeltheih pawl khal ka hmu nan run in tum lo. Ka hna an hlepsal, asinan an sibawi in in bunsak sal” a ti.

“Asilen zo in saw inn ah run lo hruai tlung?” tin an sut ih “An tamtuk” a ti. “Amah hi a pangai hrih lo ruangah thilumdan pawl sut ciamco a ci hrih lo. Tu’hrih ahcun himi lawng kan theithei lai, thuthar dang aum asilen kan rung lo theihter sal ding” tin an tarlang.

Be the first to comment

Leave a Reply

Your email address will not be published.


*