Mihlo An Hawl Rero Mi Cu CCTV An Zoh Hnuah Ralhrang Pawlin An Kai Ti An Thei

Maubin ihsin Yangon khawpi ih feh mino pahnih cu lamlak ah an hlo, an sungkhat pawlin an pehtlaih thei lo ih mihlo tin an hawl. Maubin, ahmat (6) vengsung ih um kum 26 mi fala le kum 27 mi tlangval an si.

Yangon, Insein Township, Aung Zeya Housing ah hnaṭuan in an um. An khua ah an va tlung lawk ih April 25 ah Yangon an fehsal ih lamlak ah an hlo, CCTV in an tomi lawng cu an zoh ih uniform hruh lo le ralkap pawlin an hruaisuah lai an hmu.

An sungkhat in, “An pahnih in Aung Zeya Housing ah hna an ṭuan, Maubin ah an ra tlung lawk ih an fehsal lamah an hlo.

Kan hawl rero nan kan hmu thei lo, lawng cawlhnak kiangkap ih CCTV kan zoh ih ralhrang pawl ih an hruai lai kan hmu” a ti. Ralhrang pawlin khuitawk hmun an hruai ti an thei lo ih tuini tiang an innsang pawlin an pehtlaih thei hrih lo.

Be the first to comment

Leave a Reply

Your email address will not be published.


*