Mihlo An Hawl Rero Mi Cu Ni 4 Hnuah Ralhrang Pawlin An Kai Ti An Thei

Tanintharyi Division, Dawei khawpi, Pone Kyun vengsung ih um fala pakhat cu a hlo thutthi ih vengsung mipi pawlin an hawl rero. Kiangkap ralhrang sakhan khal an va sut nan a thuhla an thei lo.

Cutin an hawl hnu ni 4-nak ah ralhrang pawlin an kaih thu a innsang pawlin thuthang an ngah. Fala Ma Zin Zin Phu cu November 25 ihsin a hlo thok, amah hi University tlawngta a si ih kum 5-nak 5th year Electrical Power Engineering zirlai a si.

A rualnu in, “Ahlan ah tlawngta pawlkom lamzawhnak ah arak tel, asinan tulai lamzawhnak ahcun a tel nawn lo. A tellonak khal a rei zo, ramkhel thuhla khalah a tel nawn lo” a ti. Ziangruangah ralhrang pawlin Ma Zin Zin Phu an kai ti cu theih a si hrih lo ih a dinhmun khal theih a si hrih lo.

Lamzawhnak ih tel an tlawngta pawlkom mino pakhat khal November 12 ihsin a hlo thok ih tutiang a thuhla theih a si hrih lo. Dawei Technological University Students Union hotu in ralhrang kutsung ih um tlawngta pawl an suah lohli theinak dingah kan theitawk in kan zuam ding’ a ti.

Be the first to comment

Leave a Reply

Your email address will not be published.


*