Mihlo An Hawl Rero Mi Cu Thicia In An Hmu

Mihlo an hawl rero mi cu May 10, 2022 sun nazi 1:00 hrawngah Katha khua kiang lamzin kap ah thicia in an hmu, a hngawng ah tuahmawhnak hliamhma aum.

Kum 33 mi Hein Min Thein cu Sagaing ramsung, Katha khua, ahmat (3) vengsung ih um a si ih bank ah hna a ṭuan. May 7 sun ah a hlo ih an hawl rero nan an hmu thei lo, online par khalah mihlo tin an tarlang.

An khua ihsin peng 3 hrawngah thicia in an hmu ih mikuttuar ih thi a s, zo pawlin an that ti cu an thei hrih lo. Mibawmtu pawlkom in, “A hngawng ah hliamhma aum lo, a bike le a sui zunbun khal aum nawn lo. Zarhte ni ihsin a hlo ih a sun ah an that hngal a si ding” a ti.

Mithi ruak cu tualsung mibawmtu pawlkom in an la ih siizung ah zohdiknak an nei rero lai. A mawng mi bike le a zunbun cu an laksak, ralhrang in ramsung thuneihnak an lak hnuah suamhmang, damiah le tualthatnak phunphun a thleng.

Be the first to comment

Leave a Reply

Your email address will not be published.


*