Milar Hminthang Will Smith In, “Pathian Zum Lo Sehla Cun Tui Dinhmun Ka Thleng Lo Ding” A Ti

Leitlun zuknung khawvel ah kum 53 mi Will Smith theilotu an um zik lo, a hmin an theih lo asikhallen a zuknung cu an thei ko ding. Will Smith hi innsang harsa zet ih thanglian a si ih Pathian a zumnak cu a hngetkho tuk.

“Tui dinhmun ka thleng theinak cu Pathian ka zumnak ruangah a si, Pathian zum lo sehla cun tui dinhmun ka thleng lo ding” a ti.

Tu naite ah “King Richard 2021” timi zuknung an tuah ih thu an suhnak ah, “Pathian na zum lo a si ahcun ka umnak ah na um ve thei lo ding, ka tonak hmun ah na to thei lo ding. Pathian na zum lo ahcun ziangkim hi harsa zetin na hmu thluh ding” a ti. The Christian Post in hmaiton thusutnak an va nei ih cutawk ah, “Pathian hnenih in hruaitu cu ka pi a si, ka pi hi Pathian thu in zirhtu a si.

Kan nauhak lai ihsin biakinn ah in rak hruai ringring ih Easter le Christmas caan khalah present in pe ih nuam zetin caan in rak hmangpi ṭheu. Leitlun ih thlarau mi bik ka hmuhmi cu ka pi hi a si, a thih zik khalah a hlim tuk. Vanram thleng ding a hngakhlap tuk” a ti.

Be the first to comment

Leave a Reply

Your email address will not be published.


*