Milar Pakhat Cu A Pai Thlankuang Hmaiih A Zukawk Dan Ruangah Mipi In An Soisel Ciamco

US, Florida ih um fala Jayne Rivera cu online sungih milar pakhat a si. A pa hi ralkap pension zo a si ih damlonak ruangah a thi. Cutin a pai thlankuang hmai ahcun style zetin a zukaw ciamco.

A dunglam ih um a pai thlankuang cu a ongaw ih US thantar khal a lang thei. Vanṭha ah a pai hmel cu a phen. A Instagram cahmai ah “Pengpelep zam vivo aw. RIP ka pa ka rualpi ṭhabik na si” tin a tarlang.

A pa hi US ralkap ṭuan zo a si vekin mipi in an ṭihzah upat zetmi a si ih a fanu cu an soisel ciamco. Instagram ah thluntu 85,000 lenglo le TikTok ah thluntu 307,300 zat anei nan himi zuk a post hnu ihsin mipi in an unfollow sal.

An ram hruaitu upa tiangin an soisel ruangah a hminsia zet, online mipi pawlin an soisel rero hnuah a Instagram khal hmuh ding aum nawn lo, a hlonhlo. (#New York Post)

Be the first to comment

Leave a Reply

Your email address will not be published.


*