Brazil fala kun 37 mi Meirivone le milem an neiaw, an neihawk hnuah Meirivone in milem fa a neih thu a phuang. A nauhak deuh laiah a nu in puansia in milem a tuahsak, a umhar thei tuk ruangah a nu in milem a tuahsak ih a ngaizawng.
An umtlang ṭheu hnuah “nau ka keng” a tiih nau a neih hlanah kutsihnak an tuah. Minung 250 hrawngin an neihawknak cu an lawmpi. A pasal milem hmin cu Marcelo a si.
Meirivone in, “Pasal ṭha zet a si. Kan neihawk ni ah ruah a sur nasa tuk nan boruak cu a nuam zet. Marcelo hi pasal ṭha zet a si, ṭongkam in el dah lo. A rinum tuk, nunau pawl ih duhmi mipa a si. Thiamthil a nei tam zet nan hnaṭuan a paih lo. A poi cuang lo, kan pumcawm awknak ah keimah in hna ka ṭuan sawn” a ti.
An neihawk hnuah fapa a nei, an fapa khal milem thotho a si. Meirivone in, “Fa ka neih laiah naa zianghman ka thei lo. Mi tam zetin milem a si kha an ti cu ka thinheng tuk” a ti.
Leave a Reply